मकवानपुर जिल्ला क्रिकेट संघको आयोजना तथा हेटौंडा उपमहानगरपालिकासँगको सहकार्यमा हेटौंडामा सञ्चालन भएको दुई दिने महिला क्रिकेट उत्सवमा हेटौंडा उपमहानगरका ७ र मकवानपुरगढी गाउँपालिकाको १ गरी ८ वटा विद्यालयले सहभागिता जनाएका थिए । अन्तर्राष्ट्रिय क्रिकेट परिषद् ९आइसीसी० को महिलालाई क्रिकेट खेलमा प्रोत्साहन गर्ने योजनाअन्तर्गत नै मकवानपुर जिल्ला क्रिकेट संघले उत्सवको आयोजना गरेको संयोजक प्रेम क्षेत्रीले बताए । क्रिकेट उत्सव प्रतियोगिताको खेल ६ ओभरको खेलाएको थियो । आज भएको समापन खेलको प्रमुख अतिथि हेटौंडा उपमहानगरपालिका मेयर मिनाकुमारी लामा रहेकी थिइन् । कार्यक्रममा मकवानपुर जिल्ला क्रिकेट संघका उपाध्यक्ष ईश्वर मैनालीलगायत क्रिकेट संघका पदाधिकारीहरूको उपस्थिति रहेको थियो ।
बुधबार भएको फाइनल खेलमा माउन्ट एभरेष्ट इङ्लिस सेकेण्डरी विद्यालयलाई पराजित गर्दै हेटौंडा एकेडेमीले महिला क्रिकेट उत्सवको उपाधी चुम्न सफल भएको हो । प्रतियोगितामा ४ वटा टिमलाई पराजित गर्दै हेटौंडा एकेडेमीले उपाधी चुम्न सफल भएको बागमती प्रदेश क्रिकेट संघका उपाध्यक्ष तथा महिला क्रिकेट उत्सवका संयोजक प्रेम क्षेत्रीले जानकारी दिए । प्रतियोगितामा विजयी भएका टिमलाई आयोजकले शिल्ड, मेडल र प्रमाणपत्र प्रदान गरिएको थियो ।